ਬੀਰ ਅਮਰ ਮਾਹਲ। ਸਟਾਫ ਰਿਪੋਰਟਰ। ਸ੍ਰੀ ਅੰਮ੍ਰਿਤਸਰ ਸਾਹਿਬ।
ਸਾਵਨ ਮਹੀਨੇ ਦੀ ਪਵਿੱਤਰ ਗੁਰੂਪੂਰਨੀਮਾਂ ਮੌਕੇ ਸਥਾਨਕ ਏਅਰਪੋਰਟ ਰੋਡ ਸਥਿਤ ਗੋਲਡਨ ਸਿਟੀ ਕਲੋਨੀ ਵਿੱਚ ਸਥਿਤ , ਸ੍ਰੀ ਗਿਰੀਰਾਜ ਧਾਮ ਦੇ ਮੁਖੀ ਸ੍ਰੀ ਕ੍ਰਿਸ਼ਨ ਪਾਤਰ ਮਹਾਰਾਜ ਸਵਾਮੀ ਸ੍ਰੀ ਨਿਵਾਸ ਜੀ ਦੀ ਅਗਵਾਈ ਹੇਠ ਇਸ ਪਵਿੱਤਰ ਦਿਹਾੜੇ ਨੂੰ ਬਹੁਤ ਹੀ ਸ਼ਰਧਾ ਅਤੇ ਧੂਮ ਧਾਮ ਦੇ ਨਾਲ ਮਨਾਇਆ ਗਿਆ। ਸੁਆਮੀ ਜੀ ਨੇ ਦੱਸਿਆ ਕਿ ਉਹ ਸਭ ਧਰਮਾਂ ਦਾ ਸਤਿਕਾਰ ਕਰਦੇ ਹਨ ਅਤੇ ਸਾਰਿਆਂ ਨੂੰ ਮਾਨੁਖਤਾ ਦਾ ਉਪਦੇਸ਼ ਦਿੰਦੇ ਹੋਏ ਪਰਮਾਤਮਾ ਦੀ ਓਟ ਵਿੱਚ ਕਾਰਜ ਕਰਨ ਲਈ ਪ੍ਰੇਰਿਤ ਕਰਦੇ ਹਨ।
ਉਹਨਾਂ ਇਹ ਵੀ ਕਿਹਾ ਪਿਛਲੇ 18 ਸਾਲਾਂ ਤੋਂ ਲਗਾਤਾਰ ਸ੍ਰੀ ਗਿਰੀ ਰਾਜ ਧਾਮ ਵਿੱਚ ਬਿਨਾਂ ਨਾਗਾ ਠਾਕੁਰ ਜੀ ਦੇ ਭਜਨ ਗਾਇਨ ਅਤੇ ਰੋਜ਼ਾਨਾ ਹਵਨ ਯੱਗ ਸੰਗਤਾਂ ਦੇ ਸਹਿਯੋਗ ਦੇ ਨਾਲ ਕੀਤੇ ਜਾਂਦੇ ਹਨ। ਗੁਰੂ ਜੀ ਨੇ ਦੱਸਿਆ ਕਿ ਹਰ ਸਾਲ ਭਗਵਾਨ ਸ਼ੰਕਰ ਨੂੰ ਸਮਰਪਿਤ ਹੋ ਕੇ ਸਾਵਣ ਦੇ ਮਹੀਨੇ ਵਿੱਚ ਗੁਰੂ ਪੂਰਨੀਮਾਂ ਉਤਸਵ ਵੱਡੇ ਪੱਧਰ ਤੇ ਮਨਾਇਆ ਜਾਂਦਾ ਹੈ ਇਸ ਮੌਕੇ ਅੱਜ ਪਹਿਲਾਂ ਹਵਨ ਕੀਰਤਨ ਆਈਆਂ ਹੋਈਆਂ ਸੈਂਕੜੇ ਸੰਗਤਾਂ ਦੇ ਸਹਿਯੋਗ ਦੇ ਨਾਲ ਜੈਕਾਰਿਆਂ ਦੇ ਰੂਪ ਵਿੱਚ ਕੀਤੀ ਗਈ। ਇਸ ਉਪਰੰਤ ਆਏ ਹੋਏ ਭਗਤਾਂ ਵੱਲੋਂ ਸਵਾਮੀ ਜੀ ਗੁਰੂ ਮਹਾਰਾਜ ਜੀ ਨੂੰ ਫੁੱਲ ਮਾਲਾਵਾਂ ਭੇਟ ਕਰਕੇ ਉਹਨਾਂ ਕੋਲੋਂ ਆਸ਼ੀਰਵਾਦ ਪ੍ਰਾਪਤ ਕੀਤਾ ਗਿਆ। ਉਪਰੰਤ ਲੰਗਰ ਪ੍ਰਸ਼ਾਦ ਦੀ ਅਟੁੱਟ ਸੇਵਾ ਵੀ ਗਰੀਰਾਜ ਧਾਮ ਵਿੱਚ ਕੀਤੀ ਗਈ। ਇਸ ਮੌਕੇ ਸ਼ਹਿਰ ਦੀਆਂ ਉੱਗੀਆਂ ਸ਼ਖਸ਼ੀਅਤਾਂ ਅਤੇ ਭਗਤ ਜਨਾਂ ਨੇ ਵੱਡੇ ਪੱਧਰ ਤੇ ਠਾਕੁਰ ਜੀ ਦਾ ਆਸ਼ੀਰਵਾਦ ਪ੍ਰਾਪਤ ਕੀਤਾ। ਕੈਪਸਨ। ਸ਼੍ਰੀ ਗਰੀਰਾਜ ਧਾਮ ਵਿਖੇ ਗੁਰਪੂਰਨੀਮਾਂ ਮਨਾਉਂਦੇ ਹੋਏ ਸਵਾਮੀ ਜੀ ਮਹਾਰਾਜ ਅਤੇ ਭਗਤ ਜਨ। ਇਹ ਜਾਣਕਾਰੀ ਉਨਾਂ ਦੇ ਭਗਤ ਜੀਐਸ, ਮਾਹਲ ਵੱਲੋਂ ਦਿੱਤੀ ਗਈ।