ਟਾਰਗੈਟ ਪੋਸਟ ਦੇ ਚੀਫ ਐਡੀਟਰ ਆਜਾਦ ਸ਼ਰਮਾ ਦਾ ਗੁਰੂ ਨਗਰੀ ਪਹੁੰਚਣ ਤੇ ਕੀਤਾ ਨਿੱਘਾ ਸਵਾਗਤ

ਬੀਰ ਅਮਰ ਮਾਹਲ, ਸਟਾਫ ਰਿਪੋਰਟਰ ਟਾਰਗੇਟ ਪੋਸਟ

ਜਰਨਲਿਸਟ ਐਸੋਸੀਏਸ਼ਨ ਦੇ ਪੰਜਾਬ ਪ੍ਰਧਾਨ ਸ੍ਰੀ ਜੋਗਿੰਦਰ ਅੰਗੂਰਾਲਾ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਦੀ ਕੀਤੀ ਪਾਲਣਾ। ਗੁਰਜਿੰਦਰ ਮਾਹਲ।ਜਰਨਲਿਸਟ ਐਸੋਸੀਏਸ਼ਨ ਰਜਿਸਟਰ ਪੰਜਾਬ ਦੇ ਪ੍ਰਧਾਨ ਸ੍ਰੀ ਜੋਗਿੰਦਰ ਅੰਗੂਰਾਲਾ ਜੀ ਦੀ ਰਹਿਨੁਮਾਈ ਹੇਠ ਇਕਾਈ ਅੰਮ੍ਰਿਤਸਰ ਦੇ ਸਰਪ੍ਰਸਤ ਅਤੇ ਸੂਬਾ ਉਪ ਪ੍ਰਧਾਨ ਗੁਰਜਿੰਦਰ ਮਾਹਲ ਦੀ ਅਗਵਾਈ ਹੇਠ ਆਸਟਰੇਲੀਆ ਤੋਂ ਟਾਰਗੈਟ ਪੋਸਟ ਦੇ ਚੀਫ ਐਡੀਟਰ ਸ੍ਰੀ ਆਜਾਦ ਸ਼ਰਮਾ ਜੀ ਦਾ ਰਣਜੀਤ ਐਵਨਿਊ ,ਸਥਿਤ ਉਪ ਪ੍ਰਧਾਨ ,ਦੀ ਰਿਹਾਇਸ਼ ਤੇ ਉਚੇਚੇ ਤੌਰ ਤੇ ਪੁੱਜਣ ਤੇ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।

ਜ਼ਿਕਰਯੋਗ ਹੈ ਕਿ ਬਟਾਲਾ ਤੋਂ ਨਿਡਰ ਅਤੇ ਨਿਰਪੱਖ ਪੱਤਰਕਾਰ ਸ੍ਰੀ ਅਜਾਦ ਸਰਮਾ ਜੋ ਕਿ ਬਟਾਲਾ ਪ੍ਰੈਸ ਕਲੱਬ ਅਤੇ ਪੱਤਰਕਾਰ ਯੂਨੀਅਨ ਦੇ ਵੱਖ ਵਖ ਅਹੁਦਿਆਂ ਤੇ ਬਿਰਾਜਮਾਨ ਰਹਿ ਕੇ ਪੱਤਰਕਾਰਤਾ ਦੇ ਹਿੱਤ ਵਿੱਚ ਕਈ ਯੋਗ ਅਤੇ ਸਿਰਮੌਰ ਕਾਰਜ ਕਰ ਚੁੱਕੇ ਹਨ ਬੀਤੇ ਕੁਝ ਸਮੇਂ ਤੋਂ ਆਸਟਰੇਲੀਆ ਵਿੱਚ ਆਪਣੀ ਪੱਤਰਕਾਰੀ ਦਾ ਝੰਡਾ ਟਾਰਗੈਟ ਪੋਸਟ ਰਾਹੀਂ ਗੱਡ ਚੁੱਕੇ ਹਨ ਅਤੇ ਹੁਣ ਕਿਸੇ ਜਾਣ ਪਹਿਛਾਣ ਦੇ ਮੁਹਤਾਜ ਨਹੀਂ ਰਹੇ ਜਿਨਾਂ ਨੇ ਆਪਣੀ ਚਮਕ ਅੰਤਰਰਾਸ਼ਟਰੀ ਪੱਧਰ ਤੇ ਪੱਤਰਕਾਰਾਂ ਵਿੱਚ ਦਰਜ ਕਰਵਾ ਲਈ ਹੈ। ਇਸ ਮੌਕੇ ਉਹਨਾਂ ਦੇ ਨਾਲ ਵਿਸ਼ੇਸ਼ ਤੌਰ ਤੇ ਸ੍ਰੀ ਸੁਨੀਲ ਪ੍ਰਭਾਕਰ ਜਿਨਾਂ ਨੂੰ ਕ੍ਰਾਂਤੀਕਾਰੀ ਪੱਤਰਕਾਰ ਵਜੋਂ ਵੀ ਜਾਣਿਆ ਜਾਂਦਾ ਹੈ ਜੋ ਕਿ ਵੱਖ-ਵੱਖ ਅਖਬਾਰਾਂ ਵਿੱਚ ਬਤੌਰ ਚੀਫ ਅਡੀਟਰ ਅਤੇ ਇੰਚਾਰਜ ਵਜੋਂ ਸੇਵਾਵਾਂ ਨਿਭਾ ਚੁੱਕੇ ਹਨ ਅਤੇ ਨਿਰੰਤਰ ਇਸ ਕਾਰਜ ਵਿੱਚ ਜੁਟੇ ਹੋਏ ਹਨ ਅਤੇ ਉਹਨਾਂ ਦੇ ਨਾਲ ਬਟਾਲੇ ਤੋਂ ਆਮ ਆਦਮੀ ਪਾਰਟੀ ਦੇ ਵਾਈਸ ਪ੍ਰਧਾਨ ਸ੍ਰੀ ਵਿਜੇ ਪ੍ਰਭਾਕਰ ਵੀ ਇਸ ਟੀਮ ਦਾ ਹਿੱਸਾ ਸਨ ,ਵੀ ਉਚੇਚੇ ਤੌਰ ਤੇ ਪੁੱਜੇ।

ਜਿਨਾਂ ਦਾ ਅੰਮ੍ਰਿਤਸਰ ਯੂਨਿਟ ਦੇ ਪ੍ਰਧਾਨ ਮਲਕੀਤ ਸਿੰਘ ਬਰਾੜ, ਜਨਰਲ ਸਕੱਤਰ ਕੁਲਬੀਰ ਸਿੰਘ, ਮਹਿਲਾ ਆਗੂ ਪੱਤਰਕਾਰ ਸਿਮਰਨ ਰਾਜਪੂਤ, ਰਜੀਵ ਕੁਮਾਰ, ਅਤੇ ਇਕਾਈ ਦੇ ਚੇਅਰਮੈਨ ਦੁਵਾਰਕਾ ਨਾਥ ਰਾਣਾ ਨੇ ਉਹਨਾਂ ਨੂੰ ਫੁੱਲ ਬੁੱਕੇ ਦੇ ਕੇ ਜੀ ਆਇਆ ਕਿਹਾ। ਇਸ ਮੌਕੇ ਸੂਬਾ ਪ੍ਰਧਾਨ ਸ੍ਰੀ ਜੋਗਿੰਦਰ ਅੰਗੂਰਾਲਾ ਅਤੇ ਟਾਰਗੈਟ ਪੋਸਟ ਦੇ ਚੀਫ ਆਜ਼ਾਦ ਸ਼ਰਮਾ ਵੱਲੋਂ ਆਪਣੇ ਤਜਰਬਿਆਂ ਅਤੇ ਪੱਤਰਕਾਰਤਾ ਦੇ ਤਜਰਬਿਆਂ ਦੀ ਵੀ ਸਾਂਝ ਪਾਈ ਗਈ। ਇਸ ਮੌਕੇ ਪੰਜਾਬ ਪ੍ਰਧਾਨ ਸ੍ਰੀ ਜੋਗਿੰਦਰ ਅੰਗੂਰਾਲਾ ਜੀ ਵੱਲੋਂ ਵੀ ਅੰਮ੍ਰਿਤਸਰ ਵਿੱਚ ਹੋਣ ਜਾ ਰਹੀਆਂ ਪ੍ਰੈਸ ਕਲੱਬ ਦੀਆਂ ਚੋਣਾਂ ਸਬੰਧੀ ਵਿਸ਼ੇਸ਼ ਦਿਸ਼ਾ ਨਿਰਦੇਸ਼ ਵੀ ਅੰਮ੍ਰਿਤਸਰ ਦੀ ਇਕਾਈ ਨੂੰ ਜਾਰੀ ਕੀਤੇ ਅਤੇ ਚੋਣਾਂ ਦੌਰਾਨ ਸਰਗਰਮ ਭੂਮਿਕਾ ਨਿਭਾਉਣ ਲਈ ਵੀ ਕਿਹਾ। ਤਜਰਬੇਕਾਰ ਅਤੇ ਸੀਨੀਅਰ ਪੱਤਰਕਾਰ ਸ੍ਰੀ ਸੁਨੀਲ ਪ੍ਰਭਾਕਰ ਜੀ ਨੇ ਵੀ ਆਪਣੇ ਪੱਤਰਕਾਰਤਾ ਦੇ ਜੀਵਨ ਫਲਸਫੇ ਦੀਆਂ ਕਈ ਤਜਰਬੇਕਾਰ ਸਾਂਝਾ ਵੀ ਮੀਟਿੰਗ ਦੌਰਾਨ ਰੱਖੀਆਂ। ਉਪਰੰਤ ਜਲਦ ਮੁੜ ਮਿਲਣ ਦੀ ਵਚਨਬੱਧਤਾ ਦੇ ਨਾਲ ਆਏ ਹੋਏ ਵਿਸ਼ੇਸ਼ ਮਹਿਮਾਨਾਂ ਨੂੰ ਸਰੋਪੇ ਅਤੇ ਫੁੱਲਾਂ ਦੇ ਹਾਰ ਪਾ ਕੇ ਅਤੇ ਸ਼ਹੀਦ ਭਗਤ ਸਿੰਘ ਦੀ ਯਾਦਗਾਰੀ ਤਸਵੀਰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਕੈਪਸਨ। ਜਰਨਲਿਸਟ ਐਸੋਸੀਏਸ਼ਨ ਦੇ ਪੰਜਾਬ ਮੁਖੀ ਸ੍ਰੀ ਜੋਗਿੰਦਰ ਅੰਗੂਰਾਲਾ, ਟਾਰਗੇਟ ਪੋਸਟ ਦੇ ਚੀਫ ਐਡੀਟਰ ਸ੍ਰੀ ਆਜ਼ਾਦ ਸ਼ਰਮਾ ਆਸਟਰੇਲੀਆ, ਵਰਿਸ਼ਟ ਪੱਤਰਕਾਰ ਸ੍ਰੀ ਸੁਨੀਲ ਪ੍ਰਭਾਕਰ ਅਤੇ ਆਦਿ ਆਮ ਆਦਮੀ ਪਾਰਟੀ ਦੇ ਸਿਰਕੱਢ ਆਗੂ ਸ੍ਰੀ ਵਿਜੇ ਪ੍ਰਭਾਕਰ ਜੀ ਦਾ ਸਨਮਾਨ ਕਰਦੇ ਹੋਏ ਸੂਬਾ ਉਪ ਪ੍ਰਧਾਨ ਗੁਰਜਿੰਦਰ ਮਹਲ ਅਤੇ ਅੰਮ੍ਰਿਤਸਰ ਯੂਨਿਟ ਦੇ ਆਗੂ ਪੱਤਰਕਾਰ ਸਾਥੀ।