*ਪੰਜਾਬ ਸਰਕਾਰ ਦੇ ਯਤਨ ਲਿਆਏ ਰੰਗ: 30 ਤੋ ਘਟ 17 ਹੋਈ ਗਿਣਤੀ–  ਡਾਕਟਰ ਮਹੇਸ਼ ਪ੍ਰਭਾਕਰ*

ਗੁਰਦਾਸਪੁਰ/ ਬਟਾਲਾ 7 ਜੂਨ (ਚੇਤੰਨ ਸ਼ਰਮਾ/ਅਨਮੋਲ ਸ਼ਰਮਾ)
*ਸਿਹਤ ਵਿਭਾਗ ਜਿਲਾ ਗੁਰਦਾਸਪੁਰ ਨੇ ਮਾਵਾਂ ਦੀ ਮੌਤ ਦਰ ਘਟਾਉਣ ਲਈ ਬਿਹਤਰ ਉਪਰਾਲੇ ਕੀਤੇ ਹਨ।
ਵਿਭਾਗ ਵੱਲੋਂ ਸਾਲ ਦਰ ਸਾਲ ਮਾਵਾਂ ਦੀ ਮੌਤ ਦਰ ਘਟਾਉਣ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਸਬੰਧੀ ਸਿਵਲ ਸਰਜਨ ਗੁਰਦਾਸਪੁਰ ਡਾਕਟਰ ਮਹੇਸ਼ ਕੁਮਾਰ ਪ੍ਰਭਾਕਰ ਨੇ ਦੱਸਿਆ ਕਿ ਮਾਵਾਂ ਦੀ ਮੌਤ ਦਰ ਘਟਾਉਣ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਗਏ ਹਨ। ਜਿੱਥੇ ਬੀਤੇ ਸਾਲ ਵਿੱਚ ਮਾਵਾਂ ਦੀ ਮੌਤ ਦਾ ਆਂਕੜਾ 30 ਹੁਣ ਇਸ ਨੂੰ ਘਟਾ ਕੇ 17 ਕੀਤਾ ਗਿਆ ਹੈ।

ਗਰਭਵਤੀ ਮਾਂ ਦੀ ਪਛਾਣ ਦੇ ਨਾਲ ਹੀ ਉਸ ਦੀ ਰਜਿਸਟਰੇਸ਼ਨ ਕਰਕੇ ਸਿਹਤ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ। ਪ੍ਰਧਾਨਮੰਤਰੀ ਸੁਰਕਸ਼ਿਤ ਮਾਤਰਤਵ ਅਭਿਆਨ ਤਹਿਤ ਮਹੀਨੇ ਵਿੱਚ 2 ਚੈੱਕ ਅੱਪ ਦੇ ਨਾਲ ਟੈਸਟਾਂ ਸਮੇਤ ਦਵਾਈ ਆਦਿ ਦੀ ਮੁਫ਼ਤ ਸਹੂਲੀਅਤ ਦਿੱਤੀ ਜਾ ਰਹੀ ਹੈ। ਫੀਲਡ ਸਟਾਫ਼(ਆਸ਼ਾ, ਏਐਨਐਮ, ਐਲਐਚਵੀ, ਸੀਐਚਓ) ਵੱਲੋਂ ਮਾਵਾਂ ਨੂੰ ਜਾਗਰੂਕ ਕਰਕੇ ਨਿਯਮਿਤ ਇਲਾਜ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ। ਹਾਈ-ਰਿਸਕ ਗਰਭਾਵਸਥਾ ਬਾਰੇ ਜਾਗਰੂਕਤਾ ਵਧਾਈ ਜਾ ਰਹੀ ਹੈ ।ਸਿਹਤ ਵਿਭਾਗ ਵੱਲੋਂ ਗਰਭਵਤੀ ਮਹਿਲਾਵਾਂ ਨੂੰ ਮੁਫ਼ਤ ਜਾਂਚ, ਇਲਾਜ ਅਤੇ ਹੋਰ ਸਿਹਤ ਸਹੂਲਤਾਂ ਦਿੱਤੀਆਂ ਜਾਂ ਰਹੀਆਂ ਹਨ।ਸਿਹਤ ਸੰਸਥਾਵਾਂ ਵਿੱਚ ਤਾਲਮੇਲ ਕਾਇਮ ਕੀਤਾ ਗਿਆ ਹੈ , ਜਿਸ ਤਹਿਤ ਗਰੀਨ ਕੋਰੀਡੋਰ ਗਰੁੱਪ ਬਣਾਇਆ ਗਿਆ ਹੈ। ਜੌ ਉਪਰਾਲੇ ਕੀਤੇ ਜਾ ਰਹੇ ਹਨ ਉਸ ਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਆਉਂਦੇ ਸਾਲ ਵਿੱਚ ਮਾਵਾਂ ਦੀ ਮੌਤ ਦਰ ਵਿੱਚ ਹੋਰ ਗਿਰਾਵਟ ਦਰਜ਼ ਹੋਵੇਗੀ। ਜਿਕਰਯੋਗ ਹੈ ਕਿ ਜਿੱਥੇ ਜਿਲਾ ਗੁਰਦਾਸਪੁਰ ਦੇ ਸਿਹਤ ਵਿਭਾਗ ਵਲੋ ਸਖ਼ਤ ਮਿਹਨਤ ਨਾਲ ਇਹ ਇਤਿਹਾਸ ਰਚਿਆ ਹੈ ਓਥੇ ਹੀ ਪੰਜਾਬ ਸਰਕਾਰ ਵਲੋ ਕੀਤੇ ਉਪਰਾਲਿਆਂ ਦੇ ਸਾਰਥਕ ਨਤੀਜੇ ਸਾਹਮਣੇ ਆ ਰਹੇ ਹਨ।*