ਅੰਮ੍ਰਿਤਸਰ ( ਬੀਰ ਅਮਰ ਮਾਹਲ)
ਜਰਨਲਿਸਟ ਐਸੋਸੀਏਸ਼ਨ ਰਜਿਸਟਰਡ ਪੰਜਾਬ ਦੀ ਇਕਾਈ ਅੰਮ੍ਰਿਤਸਰ ਵੱਲੋਂ ਮਹੀਨਾਵਾਰ ਇਕੱਤਰਤਾ ਪੰਜਾਬ ਪ੍ਰਧਾਨ ਸ੍ਰੀ ਜੋਗਿੰਦਰ ਅੰਗੂਰਾਲਾ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਲੇਬਰ ਯੂਨੀਅਨ ਦਫਤਰ ਵਿੱਚ ਕੀਤੀ ਗਈ। ਉਪ ਪ੍ਰਧਾਨ ਪੰਜਾਬ ਗੁਰਜਿੰਦਰ ਮਾਹਲ ਵੱਲੋਂ ਮੀਟਿੰਗ ਦੀ ਸ਼ੁਰੂਆਤ ਮੌਕੇ ਇਸ ਦੀ ਪ੍ਰਧਾਨਗੀ ਪੱਤਰਕਾਰ ਮਹਿੰਦਰ ਪਾਲ ਸਿੰਘ ਸੱਗੂ ਨੂੰ ਦਿੱਤੀ ਗਈ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਹੋਇਆ ਸਰਪ੍ਰਸਤ,ਕੁਲਬੀਰ ਸਿੰਘ,ਚੇਅਰਮੈਨ ਦੁਾਆਰਕਾ ਨਾਥ ਰਾਣਾ ਨੇ ਸਾਥੀਆਂ ਨੂੰ ਮੀਟਿੰਗ ਵਿੱਚ ਭਰਵੀਂ ਇਕੱਤਰਤਾ ਦੇ ਨਾਲ ਸਮੇਤ ਆਪਣੇ ਰੂਰਲ ਸਾਥੀਆਂ ਨੂੰ ਜੋੜਨ ਦੀ ਅਪੀਲ ਕੀਤੀ ਗਈ। ਇਸ ਮੌਕੇ ਸੰਬੋਧਨ ਕਰਦਿਆਂ ਹੋਇਆ ਉਪ ਪ੍ਰਧਾਨ ਪੰਜਾਬ ਗੁਰਜਿੰਦਰ ਮਾਹਲ ਨੇ ਭਗਵੰਤ ਮਾਨ ਸਰਕਾਰ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਪੱਤਰਕਾਰਾਂ ਦੇ ਬਣਦੇ ਹੱਕ ਉਹਨਾਂ ਨੂੰ ਦਿੱਤੇ ਜਾਣ ਜਿਸ ਵਿੱਚ ਸਸਤੀਆਂ ਦਰਾਂ ਤੇ ਪਲਾਟ, ਪੱਤਰਕਾਰਾਂ ਦੇ ਬੱਚਿਆਂ ਲਈ ਉੱਚ ਸਿੱਖਿਆ ਲਈ ਵਿੱਤੀ ਸਹਾਇਤਾ ,ਤੋਂ ਇਲਾਵਾ ਸਮੂਹ ਪੰਜਾਬ ਵਿੱਚ ਸਾਰੇ ਟੋਲ ਪਲਾਜ਼ੇ ਅਤੇ ਬਸ ਸਫਰ ਮੁਫਤ ਕੀਤਾ ਜਾਵੇ।
ਸਾਥੀ ਕੁਲਬੀਰ ਸਿੰਘ ਨੇ ਕਿਹਾ ਕਿ ਪੱਤਰਕਾਰ ਸਰਕਾਰੀ ਤੰਤਰ ਦੇ ਨਾਲ ਮਿਲ ਕੇ ਕੰਮਕਾਜ ਸੁਚਾਰੂ ਰੱਖਣ ਲਈ ਇੱਕ ਅਹਿਮ ਕੜੀ ਦਾ ਰੋਲ ਨਿਭਾਉਂਦੇ ਹਨ ਅਤੇ ਇਹਨਾਂ ਦਾ ਬਣਦਾ ਮਾਣ ਸਤਿਕਾਰ ਸਰਕਾਰਾਂ ਵੱਲੋਂ ਕੀਤਾ ਜਾਣਾ ਬਹੁਤ ਲਾਜ਼ਮੀ ਬਣਦਾ ਹੈ। ਇਸ ਮੌਕੇ ਸਮੂਹ ਸਾਥੀਆਂ ਦੀ ਸਹਿਮਤੀ ਅਤੇ ਆਦੇਸ਼ ਅਨੁਸਾਰ ਜਨਰਲ ਸਕੱਤਰ ਦੀ ਸੋਧ ਕਰਦੇ ਹੋਏ ਇਹ ਅਹੁਦਾ ਪੱਤਰਕਾਰ ਸਰਬਜੀਤ ਸਿੰਘ ਲਾਡਾ ਨੂੰ ਸਰਬ ਸੰਮਤੀ ਦੇ ਨਾਲ ਦਿੱਤਾ ਗਿਆ।ਅਹੁਦਾ ਸੰਭਾਲਣ ਉਪਰੰਤ ਸਾਥੀ ਨੇ ਇਕਾਈ ਲਈ ਤਹਿ ਦਿਲੋਂ ਚੜ੍ਹਦੀ ਕਲਾ ਲਈ ਕੰਮ ਕਾਜ ਸੁਚਾਰੂ ਰੱਖਣ ਵਿਸ਼ਵਾਸ ਦਿੱਤਾ। ਇਸ ਮੌਕੇ ਪ੍ਰਧਾਨ ਮਲਕੀਅਤ ਸਿੰਘ ਬਰਾੜ, ਨਰਿੰਦਰ ਸਿੰਘ, ਕੁਲਬੀਰ ਸਿੰਘ, ਮਹਿੰਦਰ ਪਾਲ ਸਿੰਘ ਸੱਗੂ ,ਦੁਆਰਕਾ ਨਾਥ ਰਾਣਾ ਅਤੇ ਹੋਰ ਸਾਥੀ ਹਾਜ਼ਰ ਸਨ।
ਕੈਪਸਨ। ਜਰਨਲਿਸਟ ਐਸੋਸੀਏਸ਼ਨ ਦੀ ਮੀਟਿੰਗ ਮੌਕੇ ਹਾਜ਼ਰੀਨ ਪਤਰਕਾਰ ਸਾਥੀ।