ਬਟਾਲਾ(ਆਦਰਸ਼ ਤੁੱਲੀ/ਸੁਮਿਤ ਨਾਰੰਗ/ਚੇਤੰਨ ਸ਼ਰਮਾ/ਅਨਮੋਲ ਸ਼ਰਮਾ/ ਸੁਨੀਲ ਯੁਮਨ)
ਬਟਾਲਾ ਦੇ ਪ੍ਰਸਿੱਧ ਸਮਾਜ ਸੇਵਕ ਵਿਕਾਸ ਅਗਰਵਾਲ ਵਲੋ ਸ਼ਰਧਾ ਦੇ ਨਾਮ ਤੇ ਲੋਕਾਂ ਵਲੋ ਜਾਗਰਣ ਲਈ ਲੱਖਾਂ ਰੁਪਏ ਲੈਣ ਵਾਲੇ ਗਾਇਕਾਂ ਨੂੰ ਠਲ ਪਾਉਣ ਲਈ ਸਰਕਾਰ ਨੂੰ ਗੁਹਾਰ ਲਗਾਈ ਹੈ। ਇਸ ਮੌਕੇ ਤੇ ਵਿਕਾਸ ਅਗਰਵਾਲ ਨੇ ਕਿਹਾ ਕਿ ਜੇਕਰ ਪਿਛਲੇ ਸਾਲ ਨਾਲ ਤੁਲਣਾ ਕੀਤੀ ਜਾਵੇ ਤਾਂ ਗਾਇਕਾਂ ਵਲੋ 20 ਤੋ 30 ਹਾਜ਼ਰ ਰੁਪਏ ਲਏ ਜਾਂਦੇ ਸਨ ।
ਜਦ ਕਿ ਅੱਜ ਓਹ ਹੀ ਗਾਇਕ 2 ਤੋ 3 ਲੱਖ ਦੀ ਮੰਗ ਕਰ ਰਹੇ ਹਨ। ਪਰ ਇਸ ਸੰਬੰਧ ਵਿਚ ਕੋਈ ਵੀ ਅਵਾਜ ਚੁੱਕਣ ਲਈ ਤਿਆਰ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਆਮਦਨ ਕਰ ਵਿਭਾਗ ਇਸ ਗਲ ਨੂੰ ਗੰਭੀਰਤਾ ਨਾਲ ਲਵੇ ਅਤੇ ਇਹਨਾਂ ਦੀ ਸੰਪਤੀਆਂ ਦੀ ਜਾਂਚ ਕਰਕੇ ਇਹਨਾਂ ਵਿਰੁੱਧ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ।ਵਿਕਾਸ ਅਗਰਵਾਲ ਨੇ ਕਿਹਾ ਕਿ ਉਹ ਨਿੱਝੀ ਤੋਰ ਤੇ ਇਹਨਾਂ ਗਾਇਕਾਂ ਦਾ ਇਸ ਗਲ ਲਈ ਡਟ ਕੇ ਵਿਰੋਧ ਕਰਦੇ ਹਨ ਅਤੇ ਸਰਕਾਰ ਨੂੰ ਜਲਦ ਇਸ ਮਾਮਲੇ ਸਬੰਧੀ ਦਖਲ ਦੇਣ ਦੀ ਮੰਗ ਕਰਦੇ ਹਨ ਤਾਂ ਕਿ ਕੋਈ ਵੀ ਗਾਇਕ ਲੋਕਾਂ ਦੀ ਸ਼ਰਧਾ ਨਾਲ ਖੇਡ ਨਾ ਸਕੇ।*