ਬੀਰ ਅਮਰ ਮਾਹਲ। ਸਟਾਫ ਰਿਪੋਰਟਰ। ਸ੍ਰੀ ਅੰਮ੍ਰਿਤਸਰ ਸਾਹਿਬ।
ਪੰਜਾਬ ਸਰਕਾਰ ਵੱਲੋਂ ਪੱਤਰਕਾਰਾਂ ਨੂੰ ਇੱਕ ਮੰਚ ਤੇ ਇਕੱਤਰ ਅਤੇ ਆਪਣੇ ਵਿਚਾਰ ਮੁੱਦੇ ਅਤੇ ਹੋਰ ਜਰੂਰੀ ਮੀਟਿੰਗਾਂ ਅਤੇ ਪੱਤਰਕਾਰਾਂ ਦੀਆਂ ਸਾਂਝੀ ਗਤੀਵਿਧੀਆਂ ਲਈ ਨਿਊ ਅੰਮ੍ਰਿਤਸਰ ਵਿੱਚ ਪ੍ਰੈਸ ਕਲੱਬ ਦੀ ਬਿਲਡਿੰਗ ਪੱਤਰਕਾਰਾਂ ਦੇ ਹਿੱਤਾਂ ਲਈ ਸੌਂਪੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਇਹ ਬਿਲਡਿੰਗ ਬਹੁਤ ਲੰਬਾ ਸਮਾਂ ਵਿਵਾਦਾਂ ਦੇ ਘੇਰੇ ਵਿੱਚ ਰਹੀ ਅਤੇ ਸੀਨੀਅਰ ਵੈਟਰਨ ਪੱਤਰਕਾਰਾਂ ਵੱਲੋਂ ਬਹੁਤ ਹੀ ਜੋਰ ਦੇ ਨਾਲ ਸਰਕਾਰ ਵੱਲੋਂ ਇਸਦੀ ਤਾਲਾਬੰਦੀ ਖੁਲਵਾ ਕੇ ਵਰਤੋਂ ਵਿੱਚ ਲਿਆਂਦੀ ਗਈ ਸੀ।
ਦੱਸਣਾ ਬਣਦਾ ਹੈ ਕਿ ਲੰਬਾ ਸਮਾਂ ਵਿਵਾਦ ਗ੍ਰਸਤ ਇਹ ਪ੍ਰੈਸ ਕਲੱਬ ਬੰਦ ਪਈ ਰਹਿਣ ਕਰਕੇ ਆਲੀਸਨ ਬਿਲਡਿੰਗ ਦੀ ਜਗ੍ਹਾ ਇੱਕ ਪੁਰਾਣੀ ਖੰਡਰ ਇਮਾਰਤ ਦੇ ਰੂਪ ਵਿੱਚ ਤਬਦੀਲ ਹੁੰਦੀ ਜਾ ਰਹੀ ਸੀ ,ਜਿਸ ਦਾ ਮੁੱਖ ਕਾਰਨ ਇਸ ਦੀ ਸਹੀ ਸੰਭਾਲ ਸਾਂਭ ਨਹੀਂ ਹੋ ਰਹੀ ਸੀ। ਇਸ ਦਾ ਇੱਕ ਕਾਰਨ ਅੰਮ੍ਰਿਤਸਰ ਵਿੱਚ ਪੱਤਰਕਾਰਾਂ ਦੀ ਆਪਸੀ ਧੜੇਬੰਦੀ ਸੀ। ਇਸ ਪ੍ਰੈਸ ਕਲੱਬ ਨੂੰ ਮੁੜ ਸੁਰਜੀਤ ਕਰਨ ਲਈ ਪੱਤਰਕਾਰਾਂ ਵੱਲੋਂ ਇਸ ਦੇ ਪ੍ਰਧਾਨ ਅਤੇ ਕਮੇਟੀ ਦੀ ਸਥਾਪਨਾ ਲਈ ਬੀਤੇ ਲੰਬੇ ਸਮੇਂ ਤੋਂ ਸੰਘਰਸ਼ ਚੱਲ ਰਿਹਾ ਸੀ ਇਸ ਲਈ ਕੁਝ ਵਰੇ ਪਹਿਲਾਂ ਇਸ ਦੀ ਪ੍ਰਧਾਨਗੀ ਲਈ ਚੋਣ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਜੋ ਕਾਫੀ ਵਿਵਾਦਾਂ ਵਿੱਚ ਰਹੀ ਅਤੇ ਕਈ ਅਹੁਦੇਦਾਰਾਂ ਨੇ ਆਪਸ ਵਿੱਚ ਇੱਕ ਦੂਸਰੇ ਤੇ ਦੂਸ਼ਣਬਾਜੀ ਵੀ ਕੀਤੀ ਪਰ ਇਸ ਜੱਦੋ ਜਹਿਦ ਵਿੱਚ ਰਜੇਸ਼ ਗਿੱਲ, ਵਿਪਨ ਰਾਣਾ, ਅਤੇ ਉਨਾਂ ਦੇ ਸਾਥੀ ਇਸ ਤੇ ਕਾਬਜ਼ ਰਹੇ। ਪ੍ਰਧਾਨਗੀ ਤਾਂ ਹੋ ਗਈ ਪਰ ਫੰਡਾਂ ਦੀ ਕਾਫੀ ਘਾਟ ਸੀ ਕਮੇਟੀ ਨੇ ਕਈ ਅਹੁਦੇਦਾਰ ਅਤੇ ਸਥਾਨਕ ਸਰਕਾਰਾਂ ਦੇ ਮੰਤਰੀਆਂ ਪਾਸੋਂ ਇਸ ਸਬੰਧੀ ਫੰਡ ਵੀ ਇਕੱਤਰ ਕੀਤਾ ਅਤੇ ਕੁਝ ਜਰੂਰੀ ਮੁਰੰਮਤ ਦੇ ਕੰਮ ਵੀ ਸ਼ੁਰੂ ਹੋਏ ਪਰ ਵਿਰੋਧੀ ਧੜਿਆਂ ਵੱਲੋਂ ਇਸ ਨੂੰ ਲਗਾਤਾਰ ਨਕਾਰਿਆ ਗਿਆ ਅਤੇ ਫੰਡਾਂ ਵਿੱਚ ਵੱਡੀ ਹੇਰਾਫੇਰੀ ਹੋਣ ਦੀ ਲਗਾਤਾਰ ਗੱਲ ਕੀਤੀ ਜਾਂਦੀ ਰਹੀ। ਜਿਸ ਸਬੰਧੀ ਕੁਝ ਵਿਰੋਧੀ ਧਿਰਾਂ ਨੇ ਕੋਰਟ ਦੇ ਦਰਵਾਜੇ ਵੀ ਖੜਕਾਏ। ਇਸ ਉਪਰੰਤ ਬੀਤੇ ਦੋ ਸਾਲ ਪਹਿਲਾਂ ਵੀ ਪ੍ਰੈਸ ਕਲੱਬ ਦੀ ਚੋਣ ਬਹੁਤ ਹੀ ਵਿਵਾਦਾਂ ਦੇ ਵਿੱਚ ਹੋ ਕੇ ਸਮਾਪਤ ਹੋਈ ਜਿਸ ਵਿੱਚ ਵੀ ਦੂਸਰੀ ਵਾਰ ਰਜੇਸ਼ ਗਿੱਲ ਅਤੇ ਉਹਨਾਂ ਦੇ ਧੜੇ ਨੂੰ ਮਾਨਤਾ ਮਿਲ ਗਈ। ਇਸ ਉਪਰੰਤ ਵੀ ਦੋ ਸਾਲਾਂ ਵਿੱਚ ਅਹੁਦੇਦਾਰਾਂ ਵੱਲੋਂ ਪ੍ਰੈਸ ਕਲੱਬ ਦੀ ਸ਼ਾਨ ਨੂੰ ਸਵਾਰਨ ਲਈ ਕਾਰਜਕਾਰੀ ਨਾ ਮਾਤਰ ਹੀ ਰਹੀ ਅਤੇ ਇਸਦਾ ਲਗਾਤਾਰ ਵਿਰੋਧ ਹੁੰਦਾ ਰਿਹਾ। ਮੁੜ ਦੋ ਸਾਲਾਂ ਉਪਰੰਤ ਬੀਤੇ ਦਿਨੀਂ 2026 ਐਤਵਾਰ ਵਾਲੇ ਦਿਨ ਮੁੜ ਡੀਪੀਆਰਓ ਅਤੇ ਜਿਲਾ ਅਧਿਕਾਰੀਆਂ ਦੀ ਨਿਗਰਾਨੀ ਹੇਠ ਪ੍ਰੈਸ ਕਲੱਬ ਦੀਆਂ ਤੀਸਰੀ ਵਾਰ ਦੀਆਂ ਚੋਣਾਂ ਰੱਖੀਆਂ ਗਈਆਂ ਜਿਸ ਵਿੱਚ ਮੁੱਖ ਤੌਰ ਤੇ ਸੀਨੀਅਰ ਵੈਟਰਨ ਪੱਤਰਕਾਰ ਜਸਬੀਰ ਸਿੰਘ ਪੱਟੀ ਅਤੇ ਉਹਨਾਂ ਦੀ ਸੱਤ ਮੈਂਬਰੀ ਟੀਮ ਅਹੁਦੇਦਾਰੀ ਲਈ ਅੱਗੇ ਆਏ, ਇਸ ਦੇ ਨਾਲ ਹੀ ਰਣਜੀਤ ਸਿੰਘ ਮਸਾਉਣ ,ਕਮਲ ਪਹਿਲਵਾਨ ਅਤੇ ਪਿਛਲੀ ਵਾਰ ਦੇ ਪ੍ਰਧਾਨ, ਰਜੇਸ਼ ਗਿੱਲ ਅਤੇ ਉਹਨਾਂ ਦੀ ਟੀਮ ਵੀ ਚੋਣ ਪ੍ਰਕਿਰਿਆ ਵਿੱਚ ਭਾਗ ਲੈਣ ਲਈ ਨਿਤਰੀ। ਅਮਨ ਅਮਾਨ ਨਾਲ ਹੋਈ ਇਸ ਚੋਣ ਪ੍ਰਕਿਰਿਆ ਵਿੱਚ ਰਜੇਸ਼ ਗਿੱਲ ਮੁੜਕੇ 165 ਦੇ ਕਰੀਬ ਵੋਟਾਂ ਲੈ ਕੇ ਜੇਤੂ ਰਹੇ ਜਦ ਕਿ ਜਸਬੀਰ ਸਿੰਘ ਪੱਟੀ ਨੂੰ 135 ਦੇ ਕਰੀਬ ਵੋਟਾਂ ਮਿਲੀਆਂ ਅਤੇ ਉਹ ਦੂਸਰੇ ਸਥਾਨ ਤੇ ਰਹੇ ਕਮਲ ਪਹਿਲਵਾਨ ਤੀਸਰੇ ਸਥਾਨ ਤੇ ਰਹੇ ਜਦ ਕਿ ਰਣਜੀਤ ਸਿੰਘ ਮਸੌਣ ਚੌਥੇ ਸਥਾਨ ਤੇ ਰਹੇ। ਇਸ ਚੋਣ ਪ੍ਰਕਿਰਿਆ ਵਿੱਚ ਗਿੱਲ ਧੜੇ ਦੇ ਸਾਰੇ ਹੀ ਚੋਣ ਪ੍ਰਕਿਰਿਆ ਵਿੱਚ ਭਾਗ ਲੈਣ ਵਾਲੇ ਪੱਤਰਕਾਰ ਸਾਥੀ ਜਿੱਤ ਵੱਲ ਵਧੇ। ਦੱਸਣਾ ਬਣਦਾ ਹੈ ਕਿ ਲਗਾਤਾਰ ਪ੍ਰੈਸ ਕਲੱਬ ਵਿੱਚ ਦੂਸ਼ਣਬਾਜ਼ੀਆਂ ਅਤੇ ਇੱਕ ਦੂਸਰੇ ਤੇ ਦੋਸ਼ ਲਗਾਉਣ ਦਾ ਸਿਲਸਿਲਾ ਲਗਾਤਾਰ ਚਲਦਾ ਰਹਿਣ ਕਰਕੇ ਜਰਨਲਿਸਟ ਐਸੋਸੀਏਸ਼ਨ ਪੰਜਾਬ ਰਜਿਸਟਰ ਇਕਾਈ ਅੰਮ੍ਰਿਤਸਰ ਵੱਲੋਂ ਆਪਣੀ ਸਾਫ ਛਵੀ ਕਰਕੇ ਇਸ ਚੋਣ ਪ੍ਰਕਿਰਿਆ ਵਿੱਚ ਭਾਗ ਨਹੀਂ ਲਿਆ ਗਿਆ।
ਕੈਪਸਨ। ਅੰਮ੍ਰਿਤਸਰ ਪ੍ਰੈਸ ਕਲੱਬ ਦੀ ਚੋਣ ਤੋਂ ਬਾਅਦ ਜੇਤੂ ਹੋਏ ਟੀਮ ਦੇ ਆਗੂ।