ਬੀਰ ਅਮਰ ਮਾਹਲ। ਸਟਾਫ ਰਿਪੋਰਟਰ ਟਾਰਗੇਟ ਪੋਸਟ। ਸ੍ਰੀ ਅੰਮ੍ਰਿਤਸਰ ਸਾਹਿਬ।
ਬੀਤੇ ਦਿਨੀ ਪ੍ਰੈੱਸ ਕਲੱਬ ਅੰਮ੍ਰਿਤਸਰ ਦੀਆਂ ਹੋਈਆਂ ਚੋਣਾਂ ਵਿੱਚ ਪੱਤਰਕਾਰਾਂ ਦੀਆਂ ਵੱਖ ਵੱਖ ਜਥੇਬੰਦੀਆਂ ਵੱਲੋਂ ਜੋਰ ਸ਼ੋਰ ਨਾਲ ਸਰਗਰਮੀਆਂ ਅਤੇ ਚੋਣਾਂ ਵਿੱਚ ਭਾਗ ਲਿਆ ਗਿਆ ਸੀ। ਨਿਰਪੱਖ ਹੋਈਆਂ ਇਹਨਾਂ ਚੋਣਾਂ ਦੇ ਵਿੱਚ ਮੁੜ ਤੋਂ ਰਜੇਸ਼ ਗਿੱਲ ਅਤੇ ਉਹਨਾਂ ਦੇ ਬਾਕੀ ਸਾਥੀਆਂ ਨੇ ਜਿੱਤ ਦਰਜ ਕਰਵਾਈ। ਜਿਕਰਯੋਗ ਹੈ ਕਿ ਇਸ ਇਲੈਕਸ਼ਨ ਵਿੱਚ ਜਸਬੀਰ ਸਿੰਘ ਪੱਟੀ ,ਦੂਸਰੇ ਸਥਾਨ ਤੇ ਵੱਡੀਆਂ ਵੋਟਾਂ ਲੈ ਕੇ ਦੂਸਰੇ ਅਸਥਾਨ ਤੇ ਰਹੇ। ਇਸ ਚੋਣ ਕੇ ਪ੍ਰਕਿਰਿਆ ਵਿੱਚ ਪੱਟੀ ਯੂਨੀਅਨ ਦੇ ਸਾਥੀਆਂ ਨੂੰ ਵੀ ਬਹੁਤ ਪਿਆਰ ਅਤੇ ਹੁੰਗਾਰਾ ਮਿਲਿਆ। ਵਿਪਨ ਰਾਣਾ ਜੀ ਦੇ ਸਾਥੀਓ ਦੀ ਹੋਈ ਜਿੱਤ ਪ੍ਰਕਿਰਿਆ ਵਿੱਚ ਉਹਨਾਂ ਨੂੰ ਸਨਮਾਨਿਤ ਕਰਨ ਲਈ ਅੱਜ ਉਚੇਚੇ ਤੌਰ ਤੇ ਜਰਨਲਿਸਟ ਐਸੋਸੀਏਸ਼ਨ ਰਜਿਸਟਰ ਦੇ ਪੰਜਾਬ ਪ੍ਰਧਾਨ ਆਪਣੇ ਸਾਥੀਆਂ ਸਮੇਤ ਉਚੇਚੇ ਤੌਰ ਤੇ ਸੂਬਾ ਉਪ ਪ੍ਰਧਾਨ ਗੁਰਜਿੰਦਰ ਮਾਹਲ, ਦੇ ਗ੍ਰਹਿ ਸਥਾਨਕ ਰਣਜੀਤ ਐਵਨਿਊ ਵਿੱਚ ਵਿਸ਼ੇਸ਼ ਸੱਦੇ ਤੇ ਪਹੁੰਚੇ।
ਇਸ ਮੌਕੇ ਤੇ ਉਚੇਚੇ ਤੌਰ ਤੇ ਸ੍ਰੀ ਵਿਪਨ ਰਾਣਾ ਜੀ ਜੋ ਕਿ ਦੈਨਿਕ ਜਾਗਰਣ ਅੰਮ੍ਰਿਤਸਰ ਦੇ ਬਿਊਰੋ ਚੀਫ ਵੀ ਹਨ ਨੂੰ ਉਚੇਚੇ ਤੌਰ ਤੇ ਚਾਹ ਪਾਣੀ ਦਾ ਵਿਸ਼ੇਸ਼ ਸੱਦਾ ਦਿੱਤਾ ਗਿਆ। ਆਏ ਹੋਏ ਸਾਥੀਆਂ ਜਿਨਾਂ ਵਿੱਚ ਪੱਤਰਕਾਰ ਸਾਥੀ ਸਤਨਾਮ ਸਿੰਘ ਬਟਾਲਾ, ਕ੍ਰਾਂਤੀਕਾਰੀ ਪੱਤਰਕਾਰ ਵਜੋਂ ਜਾਣੇ ਜਾਂਦੇ ਸ੍ਰੀ ਸੁਨੀਲ ਪ੍ਰਭਾਕਰ, ਸ਼ਹੀਦ ਭਗਤ ਸਿੰਘ ਪ੍ਰੈਸ ਐਸੋਸੀਏਸ਼ਨ ਦੇ ਚੇਅਰਮੈਨ ਸਰਦਾਰ ਅਮਰਿੰਦਰ ਸਿੰਘ, ਸਮਾਜ ਸੇਵੀ ਅਤੇ ਅੰਮ੍ਰਿਤਸਰ ਦੇ ਨਾਮਵਰ ਸਾਈਕਲ ਇੰਡਸਟਰੀ ਦੇ ਕਿੰਗ ਵਜੋਂ ਜਾਣਿਆ ਜਾਂਦੇ ਸਰਦਾਰ ਕਿਰਪਾਲ ਸਿੰਘ, ਸਮਾਜ ਸੇਵੀ ਸਰਦਾਰ ਸਿਮਰਨ ਸਿੰਘ ਰੰਧਾਵਾ, ਅਤੇ ਉਚੇਚੇ ਤੌਰ ਤੇ ਪੁੱਜੇ ਅਤੇ ਨਾਮਵਰ ਸ਼ਖਸ਼ੀਅਤ ਸਰਦਾਰ ਹਰਜਿੰਦਰ ਸਿੰਘ ਗੁਰਾਇਆ ਡਾਇਰੈਕਟਰ ਦੂਖ ਨਿਵਾਰਨ ਹਸਪਤਾਲ ਅੰਮ੍ਰਿਤਸਰ ਅਤੇ ਉਹਨਾਂ ਦੇ ਸਾਥੀ ਤੇ ਹੋਰ ਪਤਵੰਤੇ ਸੱਜਣ ਵੀ ਉਚੇਚੇ ਤੌਰ ਤੇ ਸ੍ਰੀ ਵਿਪਨ ਰਾਣਾ ਜੀ ਨਵ ਨਿਯੁਕਤ ਜਨਰਲ ਸਕੱਤਰ ਪ੍ਰੈਸ ਕਲੱਬ ਨੂੰ ਸਰੋਪਾ ਪਾ ਕੇ ਸਨਮਾਨਿਤ ਵੀ ਕੀਤਾ ਗਿਆ ਅਤੇ ਉਹਨਾਂ ਦਾ ਮੂੰਹ ਮਿੱਠਾ ਕਰਵਾਇਆ ਗਿਆ, ਇਸ ਮੌਕੇ ਉਹਨਾਂ ਨੂੰ ਤਨਦੇਹੀ ਦੇ ਨਾਲ ਪੱਤਰਕਾਰ ਸਾਥੀਆਂ ਦੇ ਹਿਤਾਂ ਲਈ ਕੰਮ ਕਰਨ ਲਈ ਜਥੇਬੰਦੀ ਨੂੰ ਸੁਚਾਰੂ ਰੂਪ ਵਿੱਚ ਚਲਾਉਣ ਦੀ ਬੇਨਤੀ ਵੀ ਕੀਤੀ। ਕੈਪਸਨ। ਪ੍ਰੈਸ ਕਲੱਬ ਦੇ ਨਵ ਨਿਯੁਕਤ ਜਨਰਲ ਸਕੱਤਰ ਸ੍ਰੀ ਵਿਪਨ ਰਾਣਾ ਜੀ ਬਿਊਰੋ ਚੀਫ ਦੈਨਿਕ ਜਾਗਰਣ ਨੂੰ ਸਨਮਾਨਿਤ ਕਰਦੇ ਹੋਏ ਜਰਨਲਿਸਟ ਐਸੋਸੀਏਸ਼ਨ ਪੰਜਾਬ ਦੇ ਪ੍ਰਧਾਨ ਸ੍ਰੀ ਜੋਗਿੰਦਰ ਅੰਗੂਰਾਲਾ , ਸੂਬਾ ਉਪ ਪ੍ਰਧਾਨ ਗੁਰਜਿੰਦਰ ਮਾਹਲ, ਸ੍ਰੀ ਸੁਨੀਲ ਪ੍ਰਭਾਕਰ, ਹਰਜਿੰਦਰ ਸਿੰਘ ਗੁਰਾਇਆ ਅਤੇ ਹੋਰ ਪਤਵੰਤੇ ਸੱਜਣ l