ਕਾਦੀਆਂ 5 ਜੁਲਾਈ (ਅਸ਼ੋਕ ਨਈਅਰ) :-
ਸ਼੍ਰੀ ਸਨਾਤਨ ਧਰਮ ਲੋਕ ਭਲਾਈ ਸੰਸਥਾ ਸਭਾ ਦੀ ਇੱਕ ਜਰੂਰੀ ਮੀਟਿੰਗ ਮੰਦਿਰ ਸ਼੍ਰੀ ਠਾਕੁਰ ਦੁਆਰਾ ਹਿੰਦੂ ਮੁਹੱਲਾ ਕਾਦੀਆਂ ਵਿਖੇ ਸੀਨੀਅਰ ਮੈਂਬਰ ਸ਼੍ਰੀ ਅਸ਼ੋਕ ਸ਼ਰਮਾਂ ਅਤੇ ਸ਼੍ਰੀ ਵਰਿੰਦਰ ਪ੍ਰਭਾਕਰ ਦੀ ਅਗਵਾਈ ਵਿੱਚ ਹੋਈ। ਇਸ ਮੋਕੇ ਸਭਾ ਦੇ ਪ੍ਰਧਾਨ ਸ਼੍ਰੀ ਨਰੇਸ਼ ਕੁਮਾਰ ਅਰੋੜਾ ਨੇ ਸਭਾ ਦੇ ਸੀਨੀਅਰ ਮੈਂਬਰਾਂ ਨੂੰ ਆਪਣੀ ਖਰਾਬ ਸਿਹਤ ਦੇ ਕਾਰਨਾਂ ਦਾ ਹਵਾਲਾ ਦਿੰਦੇ ਆਪਣਾ ਅਸਤੀਫਾ ਕਮੇਟੀ ਨੂੰ ਸੌਂਪ ਦਿੱਤਾ। ਇਸ ਮੋਕੇ ਸਾਰੇ ਮੈਂਬਰਾਂ ਨੇ ਸਭਾ ਦੇ ਪ੍ਰਧਾਨ ਸ਼੍ਰੀ ਨਰੇਸ਼ ਕੁਮਾਰ ਅਰੋੜਾ ਜੀ ਵੱਲੋਂ ਦਿੱਤੇ ਗਏ ਅਸਤੀਫੇ ਨੂੰ ਸਵੀਕਾਰ ਕਰ ਲਿਆ ਅਤੇ ਨਰੇਸ਼ ਅਰੋੜਾ ਜੀ ਵੱਲੋਂ ਆਪਣੇ ਕਾਰਜਕਾਲ ਦੋਰਾਨ ਕੀਤੇ ਕੰਮਾਂ ਦੀ ਪ੍ਰਸ਼ੰਸਾ ਕੀਤੀ।
ਇਸ ਮੋਕੇ ਸਭਾ ਦੇ ਪ੍ਰਧਾਨ ਸ਼੍ਰੀ ਨਰੇਸ਼ ਕੁਮਾਰ ਅਰੋੜਾ ਜੀ ਨੇ ਸਿਹਤ ਵਿੱਚ ਸੁਧਾਰ ਹੋਣ ‘ਤੇ ਮੰਦਰ ਦੇ ਨਿਰਮਾਣ ਅਤੇ ਹੋਰ ਪ੍ਰੋਜੈਕਟਾਂ ਵਿੱਚ ਯੋਗਦਾਨ ਪਾਉਣ ਦਾ ਵਾਅਦਾ ਕੀਤਾ। ਇਸ ਮੋਕੇ ਸਭਾ ਦੇ ਸੀਨੀਅਰ ਮੈਂਬਰਾਂ ਅਸ਼ੋਕ ਸ਼ਰਮਾ ਅਤੇ ਵੀਰੇਂਦਰ ਪ੍ਰਭਾਕਰ ਨੇ ਸਭਾ ਦੇ ਸੁਚਾਰੂ ਸੰਚਾਲਨ ਨੂੰ ਯਕੀਨੀ ਬਣਾਉਣ ਲਈ ਪੰਜ ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ। ਜਿਸ ਵਿੱਚ 1- ਸ਼੍ਰੀ ਰਾਜ ਕੁਮਾਰ ਜੁਲਕਾ, 2- ਸ਼੍ਰੀ ਰਾਜੇਸ਼ ਕੁਮਾਰ ਖੋਸਲਾ, 3- ਸ਼੍ਰੀ ਰਾਜੀਵ ਕੁਮਾਰ ਭਾਟੀਆ, 4- ਸ਼੍ਰੀ ਦਿਨੇਸ਼ ਕੁਮਾਰ ਅਬਰੋਲ, 5- ਸ਼੍ਰੀ ਸੰਜੀਵ ਕੁਮਾਰ ਸੇਠ ਨੂੰ ਚੁਣਿਆ ਗਿਆ ਅਤੇ ਆਪਸੀ ਸਹਿਮਤੀ ਨਾਲ ਸਭਾ ਨੂੰ ਚਲਾਉਣ ਦਾ ਅਧਿਕਾਰ ਦਿੱਤਾ ਗਿਆ। ਇਹ ਮੈਂਬਰ ਆਪਸੀ ਸਹਿਮਤੀ ਨਾਲ ਸਭਾ ਦਾ ਪ੍ਰਬੰਧਨ ਕਰਨਗੇ।
ਇਨ੍ਹਾਂ ਨਵ-ਨਿਯੁਕਤ ਮੈਂਬਰਾਂ ਨੇ ਸ਼੍ਰੀ ਅਸ਼ੋਕ ਸ਼ਰਮਾ ਅਤੇ ਵੀਰੇਂਦਰ ਪ੍ਰਭਾਕਰ ਨੂੰ ਭਰੋਸਾ ਦਿੱਤਾ ਕਿ ਉਹ ਸਮੇਂ-ਸਮੇਂ ‘ਤੇ ਸਭਾ ਨੂੰ ਆਪਣੀਆਂ ਸੇਵਾਵਾਂ ਦੇਣਗੇ ਅਤੇ ਸਭਾ ਦੇ ਸੁਚਾਰੂ ਸੰਚਾਲਨ ਨੂੰ ਯਕੀਨੀ ਬਣਾਉਣਗੇ। ਇਸ ਮੋਕੇ ਨੱਵ ਨਿਯੁਕਤ ਮੈਂਬਰਾਂ ਨੇ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦੇ ਆਉਣ ਵਾਲੇ ਤਿਉਹਾਰ ਨੂੰ ਚੰਗੇ ਢੰਗ ਨਾਲ ਮਨਾਉਣ ਦਾ ਵੀ ਭਰੋਸਾ ਦਿੱਤਾ। ਇਸ ਮੋਕੇ ਅੰਤ ਵਿੱਚ ਸਾਰੇ ਸਭਾ ਮੈਂਬਰਾਂ ਨੇ ਸ਼੍ਰੀ ਨਰੇਸ਼ ਅਰੋੜਾ ਜੀ ਦਾ ਉਨ੍ਹਾਂ ਦੇ ਸਮਰਥਨ ਲਈ ਧੰਨਵਾਦ ਕੀਤਾ। ਇਸ ਮੋਕੇ ਸਭਾ ਵੱਲੋਂ ਸ਼੍ਰੀ ਨਰੇਸ਼ ਕੁਮਾਰ ਅਰੋੜਾ ਜੀ ਨੂੰ ਪੱਗ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ।